Pas diskutimeve dhe debateve të gjatë mes maxhorancës dhe opozitës në parlament, deputetët kanë votuar për aktin normativ të buxhetit dhe vendimet e tjera që ishin në rendin e ditës.
Akti normativ ka kaluar me 73 vota pro dhe 32 kundër, ndërsa votave të deputetëve të maxhorancës i janë bashkuar edhe dy deputetet e PDIU-së, Reme Lala dhe Elena Xhina.
Gjithashtu është miratuar edhe ndihma ekonomike me 76 vota pro dhe 27 kundër. Ndërkohë, marrëveshja për vajin e ullirit dhe ratifikimi i marrëveshjes së huasë për asistencën sociale janë miratuar me 105 vota pro dhe asnjë kundër, pra kanë marrë edhe votat e opozitës.
Është njoftuar gjithashtu se seanca e ardhshme parlamentare do të jetë ditën e hënë, ku do të kalojnë në votim kandidatët e përzgjedhur nga komisioni i Ligjeve për kryeprokurorin e përgjithshëm të përkohshëm.
Ndërkohë votimi për zgjedhjen e dy anëtarëve të Autoritetit të Konkurrencës u shty, pasi ishin vetëm dy kandidatë, nga katër që duheshin..
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
