Komisioni Qendror i Zgjedhjeve thotë se vetëm 10 ditë përpara zgjedhjeve, 62 KZAZ nuk kanë emëruar asnjë komisioner për Qendrat e Votimit, ndërkohë që KQZ kishte planifikuar që ditën e nesërme të fillonte trajnimi i tyre.
“Kjo sjellje nga ana e partive politike është e patolerueshme dhe alarmante, pasi tregon mungesë përgjegjshmëri në përmbushjen e të drejtave dhe detyrimeve që ju ngarkon Kodi Zgjedhor”, thuhet në njoftim.
KQZ u bën apel partive politike që të sjellin propozimet për komisionerët e qendrave të votimit.
“Partitë politike që kanë të drejtën të sjellin propozimet për komisionerët e qendrave të votimit, të depozitojnë në mënyrë urgjente propozimet e tyre pranë KZAZ-ve dhe të mos bëhen shkak për dëmtimin e procesit zgjedhor dhe cenimin e standardeve të zgjedhjeve”, thuhet më tej.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
