Kryeministri i Kosovës, Avdullah Hoti, ka reaguar për situatën e krijuar në vend, pas konfirmiminit të akt-akuzave për Thaçin dhe Veselin.
Nëpërmjet një postimi në rrjetet sociale Hoti ka shpjeguar se dorëheqja e Presidentit Thaçi nuk krijon vakum institucional pasi kushtetuta garanton tranzicion të qartë.
“Deklaratë e Qeverisë së Republikës së Kosovës
Qeveria e Republikës së Kosovës vlerëson se në situatën e re të krijuar pas dorëheqjes së Presidentit të Republikës, z. Hashim Thaçi, kushtetuta dhe ligjet në fuqi garantojnë tranzicion të qartë të ushtrimit të përgjegjësive pa krijuar vakum institucional.
Gjatë kësaj faze, Qeveria e Republikës së Kosovës me përkushtim do t’i kryej obligimet dhe përgjegjësitë kushtetuese dhe do të bashkëpunojë me të gjithë akterët vendorë dhe ndërkombëtarë.
Qeveria e Republikës së Kosovës pret nga të gjithë të vazhdojnë të demonstrojnë kulturë të lartë politike” shkruan kryeministri Hoti
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
