Ministrja gjermane e Evropës, Anna Lührmann, ka nisur të hënën vizitën e parë Maqedoninë e Veriut dhe sot do të vizitojë edhe Shqipërinë, ku do të takohet me krerët e qeverive.
Në Tiranë, ministrja gjermane do të bisedojë edhe për rolin e Shqipërisë si anëtare e Këshillit të Sigurimit të OKB-së.
Ajo do të pritet në Kryeministri në orën 9:30 nga zëvendëskryeministri, Arben Ahmetaj.
Në fokus të takimit do të jetë integrimi i Shqipërisë në Bashkimin Evropian.
Veç përfaqësuesve të shoqërisë civile, ministrja do të zhvillojë edhe një takim me Albert Hanin, kryetari i Byrosë Rajonale të Bashkëpunimit Rinor.
Një nga çështjet që do të jetë temë e bisedimeve me shoqërinë civile në Tiranë është edhe mbrojtja e klimës, i thanë “DW” burime të Ministrisë së Punëve të jashtme të Gjermanisë.
Në takimin e saj me Këshillin e Ministrave të Evropës, që u mbajt më 14 dhjetor në Bruksel, ajo kërkoi fillimin e konferencave ndërqeveritare me Shqipërinë dhe Maqedoninë e Veriut.
Në mesazhin e saj para udhëtimit drejt Tiranës e Shkupit, ministrja gjermane për Evropën ka deklaruar për se “të dyja vendet i kanë plotësuar kushtet, prandaj duhet të fillojnë menjëherë bisedimet”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
