“Janë përfshirë në fushatë zgjedhore”, LSI padit në SPAK zyrtarët e PS

Sekretari i Përgjithshëm i LSI, Endrit Braimllari ka dorëzuar ditën e sotme një kallëzim penal në SPAK, për përfshirje në fushatë të personave që ushtrojnë funksione publike.

LSI akuzon kryeministrin Edi Rama, ministrin për Rindërtimin Arben Ahmetaj, kryetarin e Bashkisë Tiranë Erjon Veliaj, deputetin Bujar Çela, deputetin Xhemal Qefaliaj, deputetin Sadi Vorpsi, prefektin Toni Gogu, kryetarin e Bashkisë Shijak Elton Arbanën, kryetarin e njësisë administrative Farkë Ardian Tufa dhe kreun e njësisë Baldushk Besnik Bali, për veprën penale të “Shpërdorimit të detyrës” dhe “Përdorim i funksionit publik për veprimtari publike ose zgjedhore”.

Në padinë e siguruar edhe nga MCN TV, LSI ka renditur edhe shkeljet që ka bërë secili nga personat e akuzuar për dy veprat penale të sipërcituara.