Ka dështuar sot mbledhja e parë e Komisionit të Posaçëm të Reformës Zgjedhore e thirrur pas dy vitesh mungesë.
Gazetari Mariglen Kume tha përmes një lidhje të drejtpërdrejtë me studion e lajmeve në MCN Tv se Rithemelimi kërkon zëvendësimin e Alibeajt me Bylykbashin.
Sipas grupit të Bardhit dhe deputetëve të Rithemelimit, Alibeaj e ka humbur besimin e shumicës së grupit parlamentar të PD-së.
Ishin deputetët e grupit parlamentar të opozitës bashkë me aleatët të cilët janë anëtarë të komisionit të Reformës Zgjedhore të cilët në një konferencë i kërkuan Kuvendit të marrë parasysh kërkesat e tyre për reflektimin e ndryshimeve në Komisionin e Posaçëm të Reformës Zgjedhore.
Ata kërkojnë të ndryshojnë Alibeajn me Bylykbahin si bashkëkryetar të Komisionit të Reformës Zgjedhore për shkak se sipas tyre komisioni është i përbërë duke pasur parasysh në proporcion të drejtë me numrin e deputetëve që ka grupi parlamentar. Duke qenë se Alibeaj nuk gëzon më besimin e shumicës së grupit parlamentar të PD-së ai duhet të zëvendësohet.
Po ashtu duhet të zëvendësohet edhe përbërja e komisionit duke qenë se grupimi i Bashës konsiderohet një grupim i vogël prej 11 deputetësh dhe kësisoj ata nuk mund të kenë shumicën e anëtarëve në komision.
Grupimi i Bardhit thotë gjithashtu se i kanë gati propozimet e tyre, por për sa kohë nuk mund të lejojnë zhvillimin normal të një komisioni kur ai nuk reflekton pjesëmarrjen e drejtë në bazë të madhësisë të grupit parlamentar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
