Ambasadorja gjermane në Tiranë, Susane Schutz, dhe ambasadori i BE-së, Luigi Soreca, kanë zhvilluar sot një takim me kreun e PD, Lulzim Basha, në selinë blu.
Takimi i diplomatëve me kreun e demokratëve vjen pas vendimit të këtyre të fundit për djegien e mandateve.
Në përfundim, ambasadori Soreca, u shpreh se kushti i BE-së mbetet dialogu dhe proceset demokratike.
“Fola me të dyja palët dhe u thashë kushtin që ka qartësuar BE. Fola me Bashën dhe theksova rëndësinë e dialogut. Mendoj se nesër është një ditë e rëndësishme ne presim të mos ketë akte dhune dhe të ndiqen proceset demokratike”, është shprehur ai.
Ndërkohë, ambasadorja gjermane ka zhvilluar një takim edhe me kryetaren e LSI-së, Monika Kryemadhi.
PD-ja mbledh sot pasdite Këshillin Kombëtar, i cili do të jetë hapi i fundit për lënien e mandateve nga demokratët.
Vendimi për të mos përfaqësuar më zgjedhësit në Parlament u diskutua dje në mbledhjen e kryesisë së PD-së. Në përfundim të saj, kryesia vendosi në mënyrë unanime djegien e mandateve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
