Ish-kryeministri Sali Berisha ka komentuar për herë të parë thirrjen nga Prokuroria të djalit të tij Shkëlzen Berishën vetëm pak ditë më parë, për çështjen e ÇEZ.
Berisha është shprehur se është ndjerë shumë për këtë gjë, pasi betejat politike nuk e intimidojnë.
Ish-kryeministri, i ftuar në “Zonë e Lirë” në Tv Klan, tha se djali i tij do të bëjë betejë me narko-shtetin, siç e quan ai qeverinë e kryeministrit Edi Rama.
“Absolutisht jam ndjerë shumë mirë, beteja politike nuk më intimidon kurrë. Kjo është e mirëfilltë politike. Shqiptarët e panë në të gjitha seancat e komisionit që ajo ishte një përpjekje për të mbuluar vjedhjen më të madhe në historinë e vendit.
Më vjen mirë që ai të zhvillojë një betejë. Ai do matet me narko shtetin.
Asgjë nuk do të bëja, atë e bën ai vetë veten e tij. Ai nuk ka nevojë për mbështetje. Ai do ta demaskojë dhe diskretitojë Edi Ramën gjithnjë. Nëse e ka bërë këtë thoirrje për të dekurajuar protestuesin, atëherë ai vetëm sa i ka shtuar në numë ata,” tha Berisha.
Ndërkohë ish-kryeministri u pyet edhe për arrestimet e ‘peshqve të mëdhenj’, në muajin janar që solli reagime të mëdha dhe nëse ambasadori Lu e ka pasur edhe për djalin e tij, Shkëlzen. Por Berisha mohoi kategorikisht faktin se djali i tij mund të ketë shkelur ligjin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
