Liderët e BE-së thirrje Kosovës dhe Serbisë të zbatojnë Marrëveshjen e Ohrit

Këshilli Evropian ka kërkuar nga Kosova dhe Serbia që të zbatojnë marrëveshjen për normalizimin e marrëdhënieve.

Në tekstin e Këshillit Evropian është mirëpritur një marrëveshje e tille duke thënë se duhet të hyj në fuqi me shpejtësi.

Këshilli Evropian mirëpret marrëveshjen për rrugën drejt normalizimit të marrëdhënieve ndërmjet Kosovës dhe Serbisë dhe planin e zbatimit të saj, të arritur në dialogun e lehtësuar nga BE-ja, si pjesë integrale e rrugës së tyre evropiane, dhe u bën thirrje të dyja palëve që të zbatojnë me shpejtësi dhe në mirëbesim detyrimet e tyre përkatëse. 

Marrëveshja e Ohrit ishte në rend dite në samitin e Bashkimit Evropian që është zhvilluar të enjten e që do të vazhdoj edhe të premten në Bruksel.

Kjo ishte bërë e ditur në draftin e konkluzave nga samiti i BE-së dhe në të gjendej edhe paragrafi në të cilin përshëndetet arritja e marrëveshjes në Ohër.