Ish-deputeti Arben Ristani deklaroi nga studio e ‘Të Paekspozuarit’ se demokratët duke parë shpresë dhe një rikthim të Partisë Demokratike konkurruese tek foltoret e Berishës kanë kaluar në mbështetje të këtij të fundit. Sipas Ristanit demokratët janë lodhur duke punuar në 8 vite në një tokë të kripur të Bashës.
Demokratët kanë mbi 8 vite që po punojnë në një tokë të kripur ku nuk mbin asgjë dhe këtë e simbolizon Basha, kur kanë jetuar në një mal që e simbolizon Berisha. Kështu që shpresa që do vijnë sërish tek mineralet e çmuara që mban mali, i bën demokratët që të ikin nga toka e kripur për të ardhur te foltoret.
Demokratëve u ka munguar një lider i besueshëm gjatë Bashës, u ka munguar një ekip. Te Berisha masa e madhe kanë pasur shembuj të hapjes dhe bashkimit dhe motivimit dhe lidershipit dhe prandaj janë mbushur foltoret sepse kanë vuajtur nga 8 vitet e kripës së Bashës. PD do zgjidhje dhe PD e ka treguar se kur merr zjarr ka aftësi të jetë konkurrente dhe këtë e ka treguar kur ka fituar. Përgjigja e plotë i ka të dyja krahët brenda por nuk mund të thuhet se fitohet pushteti kur është kundërshtari i dobët.
Nuk është vetëm një anë e monedhës, është dhe kundërshtari dhe ai ka dobësitë e veta. Populli ka menduar se Ramës nuk i takon pushteti por nuk është bindur se i takon Bashës. Kanë parë që të dy janë të korruptuar. Populli ka kuptuar që Basha i ka korruptuar jo vetëm të tashmen por dhe të ardhmen, prandaj është gjithë kjo zemëratë dhe vrull që i bashkohen Berishës që PD të jetë konkurruese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
