Grupi Parlamentar i PD ka kallëzuar në SPAK 73 deputetë të Partisë Socialiste në lidhje me mos zbatimin e vendimit të Gjykatës Kushtetuese në lidhje me çështjen “Xhaçka”.
Mes të kallëzuarve janë kryeministri Edi Rama, kryeparlamentarja Elisa Spiropali, kreu i grupit të PS, Niko Peleshi, si dhe disa ministra.
Ata akuzohen se kanë konsumuar në bashkëpunim veprat penale të “Pengimit të ekzekutimit të vendimeve të Gjykatës” dhe “Mosekzekutim pa shkaqe të përligjura të vendimit të Gjykatës”, parashikuar në nenet 320 dhe 320/a të Kodit Penal.
Kallëzimi i PD, vjen një ditë pasi policia kallëzoi në SPAK 23 deputetë të opozitës për incidentet në seancën e Kuvendit më 30 shtator.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
