Fill pas ftesës së PS, përkatësisht kryetarit të Grupit Parlamentar të PS, Taulant Balla, sot nga Kuvendi, që ti bashkohen nismën për shkarkimit të Presidentit Ilir Meta, nuk ka vonuar edhe reagimi i PD.
Sekretari i Përgjithshëm i PD, Gazment Bardhi, u kundërpërgjigj me faktin se detyra e opozitës është të denoncojmë vjedhjet masive të votave të zgjedhjeve parlamntare, dhe se çdo çështje tjetër, shmang vëmëndjen nga masakra elektorale e kryer nga maxhoranca.
Reagim i Sekretarit të Përgjithshëm të PD, Gazment Bardhi
Gjëja e vetme me të cilën duhet të merremi dhe sigurisht Taulant Balla nuk pranon të bëjë, është vjedhja më e madhe e votave në historinë e Shqipërisë. Rama-Doshi-Rakipi e çoi vendin tonë në një masakër masive elektorale dhe viktimë janë qytetarët shqiptarë.
Detyra jonë është të qëndrojmë të vendosur dhe të luftojmë fort për kthimin e demokracisë në vend. Çdo çështje tjetër, synon që të shmang vëmendjen nga masakra elektorale Rama-Doshi-Rakipi, që është turpi i vetëm i Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
