Burgosja e Salianjit/ PD shkëput marrëdhëniet institucionale me maxhorancën

<p>Deputeti Ervin Salianji pritet të dorëzohet në orën 17:00 në Drejtorinë e Policisë së Tiranës.</p> <p>Vendimi i Salianjit për t’u dorëzuar është njoftuar në mbledhjen e grupit parlamentar të PD-së, ku fillimisht u propozua që grupi i deputetëve demokratë të ngujoheshin në selinë blu bashkë me të.</p> <p>Kryetari i Grupit të&nbsp;PD-së, Gazmend Bardhi, në një deklaratë për mediat tha se PD do të ndërpresë marrëdhëniet institucionale me shumicën socialiste, në Kuvend.</p> <blockquote> <p><em>Qëndrimi i Grupit të PD-së është që ndaj kësaj padrejtësia nuk duhet të nënshtrohemi, qëndrimi unanim i të gjithë kolegëve është kërkesa drejtuar Salianjit të mos e zbatojë vendimin politkkë të Edi Ramës firmosur nga tre gjyqtarë. Vendimi unanim ka qenë se është detyra jonë e të gjithë grupit të PD-së. Sugjeroj ngujimin pa afat dhe pa ndërprerje të të gjithë anëtarëve në selinë e PD-së.</em></p> <p><em>Ky ishte vendimi politik i grupit, por krahas këtij vendimin jemi të detyruar të respektojmë vendimin personal të Salianjit, që ka vendosur me të keqen të përballet edhe me koston e të shkuarit pa ligj dhe pa prova në burgun politik që i ka vendosur Edi Rama.</em></p> <p><em>Kjo sakrificë e Salianjit duhet të shërbëje si këmbanë alarmi, se një deputet i opozitës çohet në burg pa prova si shenjë hakmarrje nga Rama dhe Xhafaj.</em></p> <p><em>Me vendimin e djeshëm nuk ka rënë vetëm shteti ligjor. Nuk është goditur vetëm opozita.</em></p> <p><em>Grupi i PD-së duke respektuar qëndrimin personal të Salianjit, ka vendosur që nga ky moment me burgosjen e deputetëve të opozitës nuk ka për të patur asnjë marrëdhënie normale institucionale me shumicën në Kuvendin e Shqipërisë. Mbështet thirrjen e Kryesisë për përshkallëzimin e aksionit politik”..</em></p> <p>&nbsp;</p> </blockquote> <p>&nbsp;</p>