Vetëm pak minuta para mbledhjes së grupit parlamentar, kryetari i PD-së Lulzim Basha po vijon një takim me ish-kryeministrin Berisha në zyrën e këtij të fundit.
Mbledhja e grupit parlamentar e thirrur në orën 18:30, nga kreu demokrat, ka nisur si fillim me një bisedë kokë më kokë mes Bashës dhe liderit historik të PD Sali Berisha.
Kjo mbledhje vjen në një situatë jo të qetë brenda PD-së, nëse kemi parasysh qëndrimet kritike të një ditë me parë të Majlinda Bregut, Jozefina Topallit dhe Eduart Selamit.
Nuk dihet se çfarë do të vendoset në këtë mbledhje, ndërkohë që kryetari Basha pritet të takohet edhe me kryeministrin Edi Rama me ndërmjetësimin e Bujar Nishanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
