Kryeministri Edi Rama zhvilloi një takim në Universitetin Bujqësor të Tiranës për të dialoguar me studentët lidhur me 8 kërkesat që ata kanë shtruar. Kreu i qeverisë e vlerësoi dialogun me pedagogë dhe studentët e Universitetit dhe në një postim në "Twitter" tha se askush nuk tradhëtoi askënd.
"Shumë faleminderit studentëve e pedagogëve të Bujqësorit për Dialogun e dobishëm që zhvilluam.Askush nuk tradhëtoi askënd,e në fund të gjithë dolëm më të informuar lidhur me psenë e Dialogut,situatën e universitetit, problemet specifike të Bujqësorit dhe procesin e zgjidhjeve", shkruan Rama.
Ndërkohë pas Rama ka publikuar në faqen e tij në "Instagram" një nga posterat e studenteve në protestë, ku kërkojnë që të mos afrohen në protestë, kreu i PD-së, Lulzim Basha dhe kryetarja e LSI-së, Monika Kryemadhi.
Rama me ironi ka kërkuar nga studentët nëse janë dakord me të që ta votojnë atë si meme më të bukur të muajit.
“Komplimenta autorëve! A e votoni edhe ju si MEME OF THE MONTH”, shkruan Rama në Instagram.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
