Vettingu, Meta: Ligj është me shumë rëndësi për fazat e mëtejshme të integrimit europian

Kreu i Kuvendit Ilir Meta, përshëndeti vendimin e sotëm të Gjykatës Kushtetuese për lënien në fuqi të ligjit të Vettingut.

“Ky ligj është me shumë rëndësi për fazat e mëtejshme të integrimit europian të vendit si dhe për hapjen e negociatave për anëtarësimin në BE”, tha ai.

Me qëllim ecjen më shpejt të Shqipërisë në rrugën e integrimit euopian, si dhe për garantimin e zbatimit të reformës në drejtësi, Kreu i Kuvendit inkurajon të gjithë aktorët dhe faktorët në vend, për të ushtruar të gjitha përgjegjësitë dhe kompetencat e tyre, për zbatimin e këtij ligji.

Gjithashtu kryetari i Kuvendit përshëndeti angazhimin dhe mbështetjen e partnerëve ndërkombëtarë për fillimin e zbatimit të reformës në drejtësi dhe këtij ligji në veçanti.

Kryetari i Kuvendit, rithekson “rëndësinë e zbatimit pa vonesë të këtij ligji, si një domosdoshmëri për reformimin e sistemit të drejtësisë, që do t’i përgjigjet cilësisht edhe nevojës që ka shoqëria shqiptare për një drejtësi funksionale dhe efiçente”.