Një skenë e pazakontë dhe plot humor është shënuar sot në Bruksel, pas deklaratës së Kryeministrit Edi Rama se “ministrja shqiptare e Inteligjencës Artificiale, Diella, është shtatzënë me 83 asistentë digjitalë”, të cilët do të ndihmojnë deputetët socialistë në punët e përditshme parlamentare.
Gjatë konferencës së përditshme për shtyp të Komisionit Evropian, njw gazetar iu drejtua zëdhënësit me një pyetje befasuese, duke kërkuar një reagim për “shtatzëninë” e ministres virtuale shqiptare.
Zëvendës zëdhënësi kryesor i Komisionit, Olof Gill, reagoi me humor dhe diplomaci:
Ne e urojmë ministren virtuale të inteligjencës artificiale të Shqipërisë. Nuk kemi asnjë koment tjetër.
Deklarata ka shkaktuar të qeshura mes gazetarëve të pranishëm dhe është shpërndarë gjerësisht në rrjetet sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
