Presidenti i Republikës Bajram Begaj priti sot Këshillin Koordinues të Diasporës, në përfundim të Samitit të Katërt të tij, duke vlerësuar rolin dhe kontributin e shqiptarëve jashtë vendit në promovimin e çështjes kombëtare.
Gjatë takimit, Kreu i Shtetit shprehu mirënjohje për angazhimin e diasporës, duke theksuar sfidat me të cilat përballen në vende dhe kultura të ndryshme, por edhe përkushtimin e tyre për të ruajtur identitetin shqiptar.
Atdhedashuria, ruajtja e identitetit dhe gjuha shqipe janë mision i çdo shqiptari. Mirënjohje për çdo shqiptar që ka misionin e Shqipërisë në zemër! Jemi bashkë në promovimin e vlerave tona kombëtare. Diaspora është fuqia dhe forca e kombit.
Nga ana e tyre, anëtarët e Këshillit Koordinues të Diasporës falënderuan Presidentin për angazhimin institucional dhe qasjen e tij në forcimin e lidhjeve mes diasporës dhe vendit amë, si dhe për nxitjen e bashkëpunimit mes vetë komuniteteve shqiptare jashtë vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
