“Programi Kombëtar i Rilindjes Urbane për Tropojën, do ta transformojë qytetin e Bajram Currit nga një gropë e braktisur harrese, në qendrën e rilindur të një zone bukurish të rralla, ku turizmi do të behet motori i ri i zhvillimit ekonomik e social”. Kështu shprehet kryeministri Rama pas vizitës së djeshme në qytetin e Bajram Currit. Në një postim në “Facebook”, Rama thotë se ndryshimet që po bëhen në qytet janë vetëm fillimi i përfitimit nga reforma territoriale.
“Puna për bulevardin e këmbësorëve do të vazhdojë fillimisht me unazën e qytetit, gjimnazin dhe kompleksin e ri sportiv, ku përveç fushës së futbollit do të ndërtohen edhe terrenet e hapura të lojrave me dorë. Dhe ky është fillimi i përfitimit të madh të Tropojës nga reforma administrative - territoriale, që e vendos bashkinë e re në kushte të favorshme për të harmonizuar jetën urbane me një zhvillim rural shembullor. Ne do të bëjmë për Tropojën më shumë se sa është bërë në 25 vjet të marra së bashku”, shkruan ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
