Deputeti i Lëvizjes Socialiste për Integrim Përparim Spahiu deklaron se edhe Fondi Monetar Ndërkombëtar tha se filozofia e qeverisë Rama për taksimin progresiv ka dështuar.
Përmes një postimi në rrjetin social, deputeti i LSI-së në qarkun e Dibrës tha se prej 3 vitesh forca e tij politike e paralajmëroi në mënyrën më konstruktive të mundshme këtë situatë, por nuk u dëgjua nga kryeministri.
"Fondi Monetar Ndërkombëtar hedh poshtë filozofinë e qeverisjes socialiste mbi tatimin progresiv të pagës, që presupozon mbështetje për shtresat sociale duke ndihmuar të varfrit dhe shtresën e mesme e taksuar më shumë të pasurit."
Ky qe lajm i djeshëm, të njējtën gjë thamë dhe ne tre vite më parë, në mënyrën më konstruktive të mundëshme. Asnjëherë nuk u dëgjuam por dhe ne nuk u bëmë pengese per ta votuar, konstruktiv si gjithmonë..!!!
E drejta vonon por nuk harron. Shpresojmë Qeveria e Re do reflektojë me paketë fiskale funksionale, vërtet të ndershme, ku mos tatojë më shumë punën por fitimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
