Kryeministri Edi Rama ka folur gjatë një bashkëbisedimi me qytetarët dhe gazetarët mbi sulmin kibernetik të Iranit, duke e konsideruar një agresion të mirëfilltë ushtarak që synonte zhdukjen e të gjitha të dhënave dhe shkatërrimin e sistemeve.
Sipas kryeministrit sulmi nuk e ka arritur qëllimin, pasi të dhënat e dala nuk janë sensitive apo dokumente sekrete.
Pyetje: Sa e përgatitur është sot Shqipëria për të përballuar një tjetër sulm kibernetik? Sa të sigurta janë të dhënat tona?
Rama:
Gjithë këto flukse sulmesh të raportuara dhe të regjistruara nga institucioni që koordinon të gjithë projektin e revolucionit digjital, kanë qenë sulme të pasuksesshme përgjithësisht. Ndërkohë që ky është një agresion i mirëfilltë ushtarak në botën e internetit. Një agresion i egër që ka pasur një qëllim të qartë zhdukjen e të gjitha të dhënave dhe shkatërrimin e sistemeve, duke lënë një tokë të djegur nga mbrapa. Ky është konkluzioni i ekspertëve. Sulmi s’e ka arritur qëllimin. Dëmet janë shumë më të lehta se sa shkalla e agresitivitetit. Të dhënat janë irrelevante sa i përket sensivitetit, vendime qeveria, shkresa që qarkullojnë në rrjetin e brendshëm. S’janë dokumente sekrete apo të fshehta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
