Greqia duket se është tërhequr nga ideja për të bllokuar çeljen e negociatave të Shqipërisë me BE-në. Këtë la të nënkuptohej ministri i jashtëm grek, Nikos Dendias, gjatë një takimi katërditor të ministrave të jashtëm, Greqi-Bullgari-Kroaci-Rumani, i cili u mbajt në Nju-Jork të martën. Perspektiva evropiane e Ballkanit Perëndimor dhe forcimi i bashkëpunimit rajonal ishin në qendër të takimit mes ministrave të jashtëm, ndërsa u diskutua edhe për çështjet e veçanta të ngritura nga zgjerimi në lidhje me Maqedoninë e Veriut dhe Shqipërinë.
"Unë mendoj se është një hap i mirë që ministrat e jashtëm të Ballkanit të jenë në gjendje të flasin me njëri-tjetrin. Ne vijmë me qëndrime të përbashkëta për interesin e përbashkët dhe zonën e përbashkët gjeografike më të gjerë, brenda Bashkimit Evropian", tha ministri i Jashtëm, Nikos Dendias pas takimit. Ndërkohë edhe bundestagu gjerman i tha “Po” hapjes së negociatave me Shqipërinë, por ky qe një vendim me plot kushtëzime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
