Nga çadra e opozitës kreu demokrat ka vijuar me akuzat e tij. Në fjalën e tij Basha tha se shteti është bërë njësh me krimin. Sipas tij krimi po vë në rrezik zgjedhjet e ardhshme dhe reforma ne drejtësi është në rrezik.
“Në çdo fshat dhe qytet të Shqipërisë rilindësit kanë ngritur shtabet e tyre elektorale me trafikantë droge si Artur Bushi, trafikantë si Arben Ndoka etj. Këta njerëz duan të kapin zgjedhjet e ardhshme. Ky vend ka njohur diktatorë, por nuk ka njohur shtetin të bërë njish me krimin. Ky është rreziku më i madh që i kanoset çdo shqiptari. Prandaj janë vërsulur me shtabet e tyre kriminale. Njeriu që ka bërë këtë të mundur është ai që i themi kryeministri Rama. Krimi i bërë njish me pushtetin vë në rrezik zgjedhjet dhe drejtësinë. Sepse krimi zhduk drejtësinë e pakapur. Kush e beson se mund të ketë drejtësi të vërtetë kur kemi bandat në pushet dhe një qeveri të kapur nga krimi, gabohet. Kjo është e pamundur. Drejtësia dhe demokracia shkojnë bashke dhe janë të pazgjidhura. Nëse do zgjidhnim prokurorë dhe gjyqtarë të ndershëm ata do ishin në shënjestrën e mafies dhe të narkotrafikantëve. Kjo nuk është drejtësi, por padrejtësi” tha Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
