Presidenti i Serbisë, Aleksandar Vuçiç ka komentuar sotnjë deklaratë të kryeministrit të Kosovës, Avdullah Hoti që e ka dhënë të premten gjatë vizitës në Shqipëri.
Hoti ka folur për “një pikë doganore për Kosovën në Portin e Durrësit”.
Vuçiç është pyetur për këtë deklaratë gjatë një konference për shtyp që e ka mbajtur me rastin e vizitës në aeroportin “Batajnica”.
“B92.net” ka komentuar se dje është paralajmëruar që kryeministri i Kosovës, Avdullah Hoti do të kërkojë nga Shqipëria portin e Durrësit.
“Gjithçka që dëgjoj nga deklaratat e tyre, jam i ngopur me marrëzitë e tyre”, ka thënë Vuçiç, që ka komentuar edhe për bisedat e Kosovës me Serbinë. “Thonë se po vijnë për të negociuar për njohje të ndërsjellë. Epo, mos ejani fare. Unë nuk vijë të negociojë për këtë. Këtë ua them edhe nënave dhe baballarëve të tyre politikë”, ka thënë Vuçiç, raporton “b92.net”.
Ai e ka përmendur Shqipërinë edhe kur është pyetur për testet që po bëhen për COVID-19 në Serbi. Ka thënë se Serbia bën më shumë teste se e gjithë ish-Jugosllavia së bashku, plus Shqipëria.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
