Ambasadori britanik, Duncan Norman deklaroi se nëse ka vullnet politik, Shqipëria mund të ketë zgjedhje të lira.
Nga Shkodra, Norman tha se Këshilli Politik duhet të vazhdojë punën. Ai u shpreh se përmes vullnetit politik mund të sigurohen zgjedhje të lira dhe të ndershme, ku populli të thotë i lirë fjalën e tij. Ai shtoi se Britania e Madhe dhe qeveria shqiptare punojnë ngushtësisht që të luftojnë krimin e organizuar në të gjitha nivelet.
”Unë besoj se nëse do të ekzistonte vullneti politik, Shqipëria mund të ketë zgjedhje të lira. Qeveria britanike punon ngushtësisht për të luftuar krimin e organizuar dhe do të punojme akoma më fuqishëm në muajt në vijim duke patur parasysh zgjedhjet. Do të vijojme bashkëpunimet edhe me palet ndërkombetare që të kemi monitorime më të forta.
Në vitet e kaluara ka patur 3 forma monitorimi. Britania ka qene pjese e monitorimit. Në zgjedhjet e fundit lokale ka qene një britanik. Ka monitorim të brendshëm që është më i miri, si dhe monitorimi nga vetë ambasadat.
Presidenti ka një rol të rëndesishëm kushtetues. Ai vepron mbi atë që mendon se është më e drejta për kushtetutën. Nuk mendoj se do të ishte e duhura për mua të komentoj rolin e presidentit.
Është me rëndësi që Këshilli Politik të vijojë të operojë. Nëse kjo nuk do të ishte e mundur,do te na duhej te gjenim forma të tjera të arbitrimit. Për momentin nuk e shohim si rrugëzgjidhje", tha në komentin e tij, ambasadori britanik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
