Gjykata Kushtetuese ka njoftuar se është shtyrë seanca plenare e caktuar në datën 25 prill, për shqyrtimin e kërkesës së paraqitur nga kryeministri Edi Rama me objekt “Zgjidhja e mosmarrëveshjes së kompetencave ndërmjet Kryeministrit dhe Presidentit”.
Data e seancës së ardhshme nuk është njoftuar ende nga Gjykata Kushtetuese. Sipas kësaj Gjykata, në lidhje me orën dhe datën e seancës plenare do të ndiqen rregullat përkatëse për njoftimin e palëve.
Ka qenë kryeministri Edi Rama i cili ka kërkuar “përballje” në Kushtetuese me presidentin Ilir Meta ndërsa data ishte vendosur më 25 Mars 2021.
Rama kërkon interpretimin e nenit 98 të Kushtetutës pika 1 për të drejtën e emërimit dhe shkarkimit të ministrave. Kujtojmë se padia është bërë pas përplasjeve të vazhdueshme të “dekreteve”, ku Ilir Meta vendosi për mosdekretimin e ish-ministrit të jashtëm Gent Cakaj
"Gjykata Kushtetuese njofton se seanca plenare e caktuar në datën 25.03.2021, ora 10:00, për shqyrtimin e kërkesës së paraqitur nga Kryeministri i Republikës së Shqipërisë, me objekt: “Zgjidhja e mosmarrëveshjes së kompetencave ndërmjet Kryeministrit të Republikës së Shqipërisë dhe Presidentit të Republikës së Shqipërisë.
Interpretimi kushtetues i nenit 98, pika 1, të Kushtetutës së Republikës së Shqipërisë”, bazuar në nenin 44/a të ligjit nr.8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë” të ndryshuar, është shtyrë në një datë tjetër. Në lidhje me datën dhe orën e seancës plenare, do të ndiqen rregullat përkatëse të njoftimit të palëve dhe të publikimit të saj", thuhet në njoftim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
