Avokati Spartak Ngjela për mos legalizimin e basteve sportive, thotë se shteti e kontrollo, por e lë në treg pasi ka fitim.
Duke folur për “MCN Live” ai deklaroi se evazioni fiskal në Shqipëri është shumë i lartë, duke hedhur dyshime se paratë e gjeneruara nga aktiviteti ilegal i basteve sportive, janë hedhur në ndërtim dhe në ngritjen e kullave.
Francezët kanë thënë paraja bën luftën. Pyetja bëhet, po shteti fiton? Fiton! Çfarë gjeneron tregu nëse këtë lloj biznesi?
Ai e kontrollon si krim, nuk e lë që të marrë shtetin, por e lë në treg, duke lejuar në treg këtë transaksion që e ndalon ligji, fiton shteti, fiton individi dhe si operon tregu. Nëse të trija këto janë pozitive, bën sikur nuk shikon.
Është tregu informal dhe ai formal. Shqipëria tregun informal e ka më të madh. Nuk mund të përmendim përqindje, se ajo lëviz vazhdimisht. Evazioni fiskal është shumë i lartë në Shqipëri.
Nga ky evazion fiskal kush fiton, kapitali privat. Kapitali privat që fiton nga evazioni, çfarë i bën paratë? I ke parë grataçelat!
Është fakt i sigurt, Manhatanin e kanë ngritur mafia, me evazionin fiskal.
Këtu tek ne rubineti është i hapur, ujë ka shumë, ke forcë ta mbyllur?
Ka forcë dora e shtetit? Unë them jo. Këtu është shumë e lartë përqindja e evazionit fiskal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
