Ka rinisur pa kryeministrin Edi Rama seanca plenare maratonë ku pritet që të ketë debate për programin e qeverisjes.
Ndërkohë që PD ka kërkuar menjëherë ndërprerjen e seancës dhe kthimin e kryeministrit në parlament për të dëgjuar opozitën. Deputeti i PD Alfred Rushaj tha opozita e respektoi detyrimin kushtetues.
Ky është programi politik që ka paraqitur Rama. Tani ai të vij këtu të paraqitet, dhe të vijojmë debatet, tani ai duhet të dëgjoj mendimin e opozitës për propozimin e tij", tha Rushaj.
Nga ana e tij, Kreu i PD-së, Lulzim Basha ka refuzuar të shfrytëzojë kohën e tij për të folur në Kuvend, për shkak të mungesës së kryeministrit Rama.
Demokratët bënë thirrje që të ndërpritet seanca deri në mbërritjen e Ramës, por një kërkesë e tillë u refuzua nga kryetarja e Kuvendit, Lindita Nikolla.
Vetë Basha nuk bëri komente, por refuzoi të merrte fjalën kur iu dha kjo e drejtë nga kryetarja e Kuvendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
