Komisioni i Senatit për Marrëdhënie me Jashtë ka miratuar të mërkurën emërimin e diplomates Yuri Kim për postin e ambasadores së Shteteve të Bashkuara në Shqipëri. Siç raporton “Zëri i Amerikës”, Komisioni votoi për 15 emërime, përfshirë edhe John Sullivan, i emëruar në postin e ambasadorit amerikan në Rusi. Tashmë, emri i diplomates amerikane pritet të kalojë në Senat për miratim, çka zyrtarizon përfundimisht emërimin e saj në detyrë.
Zonja Kim është emëruar nga Presidenti Donald Trump në qershor të këtij viti. Nëse konfirmohet, Yuri Kim do të bëhet gruaja e parë koreano-amerikane që përfaqëson SHBA në postin e një ambasadori. Po ashtu, ajo do të jetë edhe personi i parë nga territori amerikan i Guamit që shërben në një post të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
