Kreu i Partisë së Lirisë Ilir Meta u pyet gjatë konferencës për media nëse ndihet i rrezikuar nga hetimet e SPAK-ut.
Meta tha se ka qenë gjithë jetën nën hetim, dhe foli për prokurorë që janë prodhime të politikës që merren me Ilir Metën.
E di që kam qenë gjithë jetën në hetim. E di që gjithashtu prokurorë, jo që flirtojnë me politikën, por që që janë prodhimi i politikës, kanë marrë angazhime personale për t’u marrë me Ilir Metën për arsye që ata i dinë dhe unë i di akoma më mirë. Unë do jem gjithmonë përballë jush. Të jeni të sigurt që nuk ka asnjë forcë që mund të zhbëjë Partinë Lirisë si një parti e të vërtetave të mëdha, dhe s’ka asnjë zar të Arben Rakipit, që për të legjitimuar kapjen e reformës në drejtësi nga Edi Rama, përmes shkatërrimit të gjithë proceseve kushtetuese të godasë Ilir Metën që mbrojti gjithmonë reformën në drejtësi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
