Pas toneve të ngritura të presidentit Ilir Meta për garën elektorale në Durrës, zëdhënësi i tij, Tedi Blushi bëri me dije se kreu i shtetit do të jetë në Durrës gjatë votimit të dielën.
Ai deklaroi në “Facebook” se asnjë votë e qytetarëve nuk do të preket dhe paralajmëroi se pas zgjedhjeve, do të nisë llogaridhënia.
“Porositë e fundit për Qarkun e Durrësit dhe Lefter Lefterin, alias Teri Sekserin, jepen nesër, po nga Durrësi. Koha e zgjedhjeve të standardeve të Shijakut ka përfunduar! Vota është e shenjtë dhe e paprekshme! Durrësi është i Qytetarëve dhe jo i zuzarëve, siç i quante rilindasit dikur Teri Sekseri, në krahët e të cilëve sot ka gjetur veten denjësisht. Presidenti i Republikës do të jetë të dielën në Durrës gjatë votimit dhe në Vlorë gjatë numërimit. Asnjë votë e qytetarëve durrsakë nuk do të preket! Edhe tre ditë dhe nis Llogaridhënia!”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
