Analistët Mustafa Nano dhe Shpëtim Nazarko folën në studion e MCN TV lidhur me procesin e zgjedhjeve dhe deklaratat aktorëve politikë lidhur me to.
Të pyetur për deklaratën e kryebashkiakut Erion Veliaj se nëse në Tiranë nuk marrin 20 deputetë do japë dorëheqjen analistët thanë se kjo nuk është garë e tij, por një garë mes Bashës dhe Ramës. Ndërkohë Nazarko tha se është sukses për PS nëse në Tiranë merr 18 mandate.
Pjesë nga diskutimi:
Nazarko: Unë do ta quaja sukses 18 deputetë për PS në Tiranë. Një rezultat 18 deputetë është rezultat i jashtëzakonshëm.
Nano: Lidhur me pyetjen me Veliajn unë them që këtu është një garë mes Bashës dhe Ramës, ata nuk po votojnë për kryetarin e bashkisë.
Nëse Rama humbet Veliaj fiton?
Nano: Kush bëhet kryetar bashkie i ka dyert e karrierës të hapura.
Nazarko: Dikur në sistemin komunist rrethet punonin për Tiranën, tani Tirana punon për rrethet. Nga pikëpmja e parave kryebashkiaku i Tiranës është i barabartë me kryeministrin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
