Yuri Kim, ambasadorja e Shteteve të Bashkuara të Amerikës, ka bërë bashkë për herë të parë të gjithë krerët e partive politike në vend. Me ftesë të saj, në rezidencë, rreth orës 20:00 janë mbledhur Edi Rama, kryeministër i Shqipërisë, Ilir Meta, president, Gramoz Ruçi, kryetar i Kuvendit, Lulzim Basha, kryetar i Partisë Demokratike dhe Erion Veliaj, kryetar i bashkisë së Tiranës.
Ftesat e Yuri Kim kanë ardhur për shkak të organizimit së festës së pavarësisë së SHBA, që është me datë 4 korrik, por që ambasada në Tiranë ka zgjedhur ta mbajë sonte. Me herët ishte njoftuar për datën 2 korrik, por duket se ka patur një ndryshim në momentet e fundit.
Për herë të parë, që kur ka nisur të festohet pavarësia e SHBA në Tiranë, festa do të jetë ndryshe dhe kjo për shkak të pandemisë. Darka, e cila do mbahet në rezidencë dhe jo në ambientet e ambasadës, mësohet se do të jetë mjaft sekrete dhe në ambient të hapur.
Shumë pak të ftuar, vetëm përfaqësues të partive politikë dhe bashkëshortet e tyre, ndërkohë që vitet e tjera ka patur personazhe të njohur nga shumë fusha të tjera, ndër ta aktivistë dhe gazetarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
