Për raportin e agjencisë që vlerëson aftësitë financiare të shteteve, Moody’s, ka reaguar edhe Partia Demokratike. Në një deklaratë dërguar mediave, deputetja demokrate Jorida Tabaku ka thënë se raporti ngre shqetësime sa i përket borxhit të shtetit.
Deputetja demokrate shprehet se ekonomia shqiptare po mbijeton falë dy investimeve që nisën në kohëne e qeverisjes së demokratëve, që janë TAP dhe hidrocentrali i Devollit.
Sipas Tabakut ata që marrin vesh nga ekonomia, kuptojnë që ia nuk ka asgjë për t’u mburrur dhe shumë për t’u shqetësuar, sidomos për nivelin e borxhit të vendit dhe mungesës së aftësisë konkurruese të tij.
Tabaku thekson se në raport thuhet se Shqipëria ka nevoja të mëdha për hua të reja dhe thekson se financimi i qeverisë varet nga paratë e marra hua nga sektori bankar vendas, i cili është i rënduar nga shumë kreditë të këqija, të cilat muajin e fundit janë rritur me 18 mld lekë.
Raporti thekson se niveli i konkurrencës së vendit mbetet i ulët. Në veçanti korrupsioni, qasja në financime dhe rregullat tatimore mbeten dobësi të rëndësishme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
