Pasi Gjykata e Apelit Tiranë i dha vulën e Partisë Demokratike Sali Berishës, në selinë blu janë mbledhur deputetët demokratë.
Gazetari Mariglen Kume raportoi për edicionin e lajmeve në MCN TV, se në seli spikasin pankarta me anë të së cilave kërkohet lirimi i kreut të Rithemelimit, Sali Berisha.
Janë nisur simpatizantë nga rrethet për të ardhur ditën e sotme në orën 19.00 në “Rrugën e Shpresës” ku Berisha mban fjalën e tij.
Në godinën e Partisë Demokratike, Flamur Noka ka mbledhur deputetët në një takim informal pa pasur një deklaratë, më pas do të shkojnë në "Rrugën e Shpresës".
Një mesazh ka ardhur nga Sali Berisha pas vendimit nga Gjykata e Apelit, i cili në ato që shkruante thoshte se nuk është histori e zotit Berisha, por histori e demokracisë që fituan qëndrestarët të cilët iu bashkuan betejës së tij që në momentin që iu bashkuan.
Ndërkohë Lulzim Basha në orën 17.00 do të mbledhë strukturat e grupimit që ai drejton për të marrë një vendim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
