Pas lajmit për kandidaturën e Ilir Metës për presidentin e ri, ka ardhur edhe reagimi i parë i kreut të PD-së Lulzim Basha.
Nga çadra e protestës, kreu i opozitës deklaroi se Edi Rama njeriun që e akuzoi dhe tentoi ta fuste në burg, sot e bën President të rilindjes së falimentuar siç tha ai.
"Për hir të pazarit politik, që këta kanë bërë tash 4 vite në kurriz të shqiptarëve si pjesë e komplotit ekonomik kundër xhepave dhe mirëqenies së shqiptarëve që vidhen ditë për ditë, si pjesë e komplotit kundër lirive dhe të drejtave të shqiptarëve, ky pazar politik i cili tash 4 vite ka vetëm një qëllim të pasurojë dhe të mbrojë klikën e korruptuar në pushtet, sot Edi Rama bëri atë që u mundua ta shmangte për 4 vjet, u përhoq ta fuste në burg rivalin politik, për të cilin ngriti anë e mbanë Evropës dosje konspiracioni me komplote vrasje, u detyrua ta shpallë President të rilindjes së falimentuar dhe të korruptuar", deklaroi Basha.
Siaps Bashë, kjo është një ditë e dëshpëruar për Edi Ramën, pasi rruga e tij e lidhur me mijëra fije me krimin e organizuar prodhoi papunësi dhe mjerim për shqiptarët.
Ndërsa tha se kryeministri Edi Rama preku fundin e tij politik në takimin elektoral të Kavajës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
