Raportuesja për Kosovën në Parlamentin Evropian, Viola von Cramon, ka reaguar në lidhje me votimin e kryeministrit të Kosovës, Albin Kurti, paraditen e sotme në zgjedhjet parlamentare në Shqipëri.
Von Cramon e ka cilësuar si të papranueshëm veprimin e Kurtit.
“Nuk mund ta kuptoj se çfarë është e gjithë kjo. Nga njëra anë të gjithë në Kosovë ankohen për ndërhyrje nga Serbia ose nga vetë Presidenti Aleksandar Vuçiç, por nga ana tjetër këtu kryeministri i Kosovës edhe voton në një shtet fqinj. E papranueshme. Të paktën jo për mua”, ka shkruar ajo në Twitter.
Kryeministri i Kosovës votoi sot në një nga QV e Tiranës, në cilësinë e shtetasit shqiptar. Pas kthimit në Prishtinë, ai deklaroi se përmbushi detyrën e tij si qytetar.
“U ktheva në Kosovë, por paradite isha në Shqipëri për të votuar. Demokracia është sistemi që shqiptarët gjithnjë kanë dashur, dhe votimi është detyrë qytetare për ata që e duan demokracinë”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
