Vrasja e gjyqtares Fildez Hafizi nga ish-bashkëshorti i saj në mes të Tiranës me armë zjarri, ka tronditur jo vetëm opinionin vendas por edhe atë të huaj.
Delegacioni i Bashkimit Europian është shprehur i tmerruar nga kjo ngjarje dhe u shpreh se mbrojtja e grave është një përgjegjësi e plotë e shtetit.
“Të tmerruar! Një tjetër viktiminë e dhunës në Shqipëri. Mbrojtja e grave nga kërcënimet është përgjegjësi e plotë e shtetit.
Institucionet përkatëse të përgjigjen menjëherë. Gratë nuk duhet të jetojnë me frikë në dëshirën e tyre për ta jetuar jetën si duan,” u shpreh delegacioni i BE.
Ngjarja
Krimi në familje vijon të jetë prezent në Shqipëri. Mesditën e sotme një burrë ka vrarë me armë zjarri ish- bashkëshorten e tij.
Ngjarja ka ndodhur në zonën e ‘Xhamllikut” në kryeqytet në sy të qyetarëve. Një dëshmitar rrëfyer për “News24” se ka parë gjithë skenën.
“Pashë një burrë që qëlloi me armë. Gruaja ishte me makinë të parkuar në Tiranë dhe u qëllua sapo tentoi të hipte ne makinë. Burri qëlloi dy herë në drejtim të gruas me armë zjarri”- ka thënë ai për “News24”.
Forca policie në vendngjarje kanë arrestuar shtetasin me inicialet F.K, 58 vjeç i cili dyshohet si autori që ka qëlluar.
Vijojnë hetimet për të zbuluar shkaqet dhe motivet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
