Presidenti i Parisë së Lirisë Ilir Meta, në një konferencë për shtyp ka deklaruar se së shpejti PL do të ketë konventën me 5 mijë delegatë.
Ai ka shtuar se do të vijojë organizimi i PL në përpjekje për të përmbysur narko-shtetin, ndërsa bëri të ditur se aksioni opozitar do të vijojë, duke e ilustruar edhe me protestën e mbajtur dje para Bashkisë Tiranë, në lidhje me dosjen “5D”.
Shumë shpejt PL do të ketë konventën me 5 mijë delegatë. Puna vazhdon me një ritëm gjithnjë e në rritje, për të organizuar Partinë e Lirisë, për të përmbysur këtë narko-shtet dhe për t’i kthyer sovranitetin qytetarëve të Republikës.
Aksioni opozitar vazhdon dhe besoj se protesta dje ishte tregues i një konsistence në rritje. Në parlament duhet të garantohet llogaridhënia njëherë e përgjithmonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
