Kryetari i Partisë Demokratike i është përgjigjur akuzave të Sali Berishës, duke i cilësuar si trillime dhe shpifje. Nëpërmjet një statusi në rrjetet sociale, Basha thotë se ka vetëm një dosje, që sipas tij është ajo e shpalljes së ish-kryeministrit “non grata” nga SHBA.
“Trillimet e shpifjet nuk e zgjidhin dot hallin e Sali Berishës. Ka vetëm një dosje, ka vetëm një çështje dhe ajo është çështja NON GRATA nga SHBA. Është kjo çështje që e detyron Sali Berishën të bjerë kaq poshtë me shpresën se do ta shndërrojë PD-në në mburojë të interesave personale. Nuk ka gjë më të ulët se të përdorësh demokratët dhe ndjeshmëritë e tyre si mish për top për hallin tënd personal”, shprehet Basha.
Nga Foltorja me demokratët e Devollit, ish-Kryeministri Sali Berisha i kërkoi Lulzim Bashës të japë dorëheqjen pas zbulimit të letërporosive të autoriteteve belge, ku tha se është në ndjekje penale për dosjen “Toyota Yaris”. Përballjen me ligjin ia kujtoi edhe për dosjen “Muzin”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
