Ministrja e Jashtme Olta Xhaçka ka pritur sot në një takim ambasadorin e sapoemëruar të Serbisë në Shqipëri.
Përmes një postimi në rrjetin e saj social Facebook, Xhaçka shkruan se dy vendet kanë akoma shumë punë për të bërë për të përmirësuar marrëdhëniet dypalëshe, ndërsa thekson se raporti miqësor mes Serbisë dhe Shqipërisë si dhe njohja reciproke me Kosovën, janë kyçe për ndërtimin e një të ardhme të qëndrueshme.
Mirëprita sot ambasadorin e sapoemëruar të Serbisë në Shqipëri, Aleksandër Vukčević. Shqipëria dhe Serbia kanë bërë një progres mjaft të rëndësishëm duke lënë pas një të shkuar të vështirë. Ne akoma kemi punë për të bërë për të përmirësuar bashkëpunimin dhe marrëdhëniet dypalëshe.
Marrëdhëniet miqësore mes Shqipërisë dhe Serbisë, si dhe njohja e reciproke mes Kosovës dhe Serbisë janë kyçe në ndërtimin e një të ardhme të qëndrueshme dhe të begatë për Ballkanin Perëndimor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
