Urimi i bërë për festën e 29 nëntorit nga ana e deputetit socialit Bujar Çela, me portretin e ish-diktatorit Enver Hoxha, është cilësuar si i papranueshëm nga ana e kryetares së Kuvendit të Shqipërisë, Lindita Nikolla.
Në një komunikim me media, Nikolla tha se regjimi i ish-diktatorit Enver Hoxha është një regjim që shqiptarët e larguan me dhunë dhe sipas saj, është e pa pranueshme që të urohet me simbole të tij në një ditë feste siç ishte ajo e Pavarësisë.
“Patjetër që PD ka qenë pjesë e Këshillit të Legjislacionit, gjithçka është diskutuar aty. Vendimmarrja është diskutuar aty, pyetjet janë diskutuar aty. Pyetja ka qenë a janë në një linjë me BE kërkesat për të zgjatur kohën e organeve të vettingut. Ata kanë zgjedhur të refuzojnë, por mbledhjet e komisionit kanë qenë transparente, sepse kanë qenë live.
Sa i përket asaj që ju përmendët, regjimi i Enver Hoxhës ka qenë një regjim që e kemi hequr me dhunë. Ka një kërkesë për rastin në fjalë dhe me rastin më të parë do të shqyrtohet, pavarësisht se si ndodhi, është e pa pranueshme që një deputet i Kuvendit të përdorë të tilla situata në një ditë feste siç ishte ajo e Pavarësisë”, tha Nikolla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
