Analisti Aleksandër Çipa në MCN Live ka komentuar situatën në partinë demokratike pas zgjedhjeve të 14 majit ku pësoi një humbje të madhe për të cilën u shpreh se PD pas kësaj duhet të bëjë shumë gjëra.
Ndërsa duke ju referuar turit mirënjohës që Rama po ndjek pas zgjedhjeve tha se mesazhet e koduara të Ramës lënë hapësirë për interpretim se mund të kemi ndryshime në kabinetin qeverisës. Sipas tij, pas ligjit për ndryshimin e pagave, po fillon dhe një ristrukturim i administratës, ndërsa theksoi se PSDF dhe parti të tjera aleate mund të përfshihen në qeverisje.
Çfarë duhet të bëjë PD pas humbjes në zgjedhjet e 14 majit janë shumë gjëra, por ajo që po lexoj unë më shumë këto ditë dhe që ka interes është çfarë po përgatit Rama pas zgjedhjeve dhe çfarë domethënie ka turi i Ramës? Nëse e keni vënë re pas ndryshimit të strukturave të pagës, Rama ka nisur një ristrukturim të vetë administratës edhe pse po ndodh në heshtje.
Sot mediat kanë lajmin se ndryshon struktura e policisë, kjo do pasojë me ndryshimin e strukturave të administratës publike, gjithashtu ka shumë rëndësi dhe krijon premisa dhe për shqyrtimin e përfaqësuesve dhe drejtuesve. Unë në leximin paraprak mendoj se do ndodhë brenda shtatorit. Nëse do kemi këto ndryshime nuk përjashtohet mundësia dhe pretendimi që kanë aletëtët e PS, si PSD që mund të përfshihen në nivelet e larta të administratës publike. Ajo që mund të thuhet është se mund të kemi ndryshime në kabinetin qeveritar, këto janë gjasat duke parë dhe mënyrën se si po e zhvillon turin e mirënjohjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
