Mbytjet e qytetarëve në plazhet tona, ka “gjunjëzuar” ministrin e Turizmit dhe Mjedisit, Blendi Klosi, i cili nga foltorja e Parlamentit ka deklaruar se çdo humbje njerëzore i bën ata kokëulur. Për zgjidhje, ministri Klosi sheh vendosjen e rojeve bregdetare, pasi bizneset sipas tij janë të detyruara me ligj ta mundësojnë një shërbim të tillë.
"Ndaj, - shtoi Klosi, - duhet angazhim i gjithë strukturave lokale dhe qendrore, që i gjithë sistemi të funksionojë nga poshtë-lart". Vetëm javën e shkuar janë mbytur 5 persona në plazhet shqiptare, mes tyre edhe një turiste e huaj. Ndërkohë po të dielën, tre qytetarë rrezikuan jetën te Gjiri i Lalëzit, për shkak të mungesës së rojeve bregdetare.
Në maj të 2014, qeveria vendosi me anë të një VKM-je, që të ketë kulla vrojtimi për çdo zonë të deklaruar për plazh dhe aktivitete çlodhëse, me lartësi 3 metra për cdo 200-250 metra plazh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
