"E ardhmja e Evropës dhe e fëmijëve tanë është qartësisht më e begatë me Ballkanin Perëndimor pjesë tonën”.
Ka qenë kjo deklarata e presidentit të Këshillit të Evropës, Charles Michel, me mbërritjen e tij në Samitin e vendeve të Bashkimit Evropian dhe Ballkanit Perëndimor.
Sipas Michel, kjo është një ditë shumë me rëndësi, pasi është hera e parë që një samit i përmasa të tilla, mbahet në zemër të rajonit, në Shqipëri.
Ky do jetë një takim i rëndësishëm, simbolik. Është hera e parë që mbahet këtu, në një vend jo-anëtar. Jam i bindur që e ardhmja e fëmijëve tanë do jetë më e sigurt me përpjekjet tona.
Sot do të nënshkruam marrëveshjen për tarifat roaming. Lehtësim për bizneset, qytetarët, turizmi. Kriza energjetike do të jetë çështja tjetër. Është emocionuese të jesh këtu.
E ardhmja e Europës, është e ardhmja e fëmijëve tanë, do të jetë më sigurt me Ballkanin Perëndimor. Afrimi me rajonin është i rëndësishëm për ne.
Marrëveshje me rëndësi, si ajo e tarifave të ulura roaming, pritet të nënshkruhet sot, ku edhe vetë presidenti i KiE-së, e përkufizoi si një gjë shumë të mirë për të gjithë qytetarët evropianë.
Mbështetja për Ukrainën, mbetet pjesë e pandryshueshme e agjendës evropiane dhe e angazhimit, për të forcuar më tej rajonin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
