Parlamenti i Studentëve të Universitetit të Prishtinës sot organizon marsh kundër Asociacionit të komunave me shumicë serbe.
Protesta është planifikuar të mbahet nga ora 16:00, duke nisur nga Biblioteka Kombëtare në Prishtinë.
Parlamenti Studentor përmes email-it ka ftuar menaxhmentin e Universitetit të Prishtinës, Senatin e Universitetit, parlamentet studentore të universiteteve publike, organizatat studentore, Organizatën e Veteranëve të Luftës së Ushtrisë Çlirimtare të Kosovës, partitë politike përfshirë edhe ato të komuniteteve joshumicë, komunat e Kosovës, organizatat e shoqërisë civile dhe grupet joformale për t’ju bashkuar marshit kundër asociacionit të komunave me shumicë serbe që do të organizohet më 15 shkurt, me fillim nga ora 16:00, para Bibliotekës Kombëtare.
Asociacioni një etnik është në kundërshtim me Kushtetutën e Republikës së Kosovës, prandaj pavarësisht bindjeve politike të gjithë duhet të jemi bashkë kundër tij.
Ndryshe, sot shënohet 53-vjetori i themelimit të Universitetit të Prishtinës “Hasan Prishtina”.
Asociacioni i Komunave me Shumicë Serbe është njëra ndër temat më të “nxehta”, në tavolinën e dialogut Kosovë-Serbi.
Udhëheqësia e shtetit serb, krijimin e këtij Asociacioni e kërkon si pikë të parë të zbatimit, kusht ky për të vazhduar më tej bisedimet në Bruksel.
Nga ana e tij kryeministri i Kosovës Albin Kurti është shprehur gjithmonë kundër një asociacioni mono etnik, duke thënë se një shtet demokratik nuk i diskriminon pakicat, por i mbron ato si vlerë themelore e i ruan ato si vlerë shoqërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
