Kryetarja e Lëvizjes Socialiste për Integrim, Monika Kryemadhi, e cilëson si të admirueshme përgjigjen e fortë nga Parlamenti Europian ditën e djeshme, si dhe i gjithë lidershipi i treguar këto ditë nga vendet e BE, për të dënuar e frenuar agresionin rus mbi Ukrainën.
“Përshëndes mbështetjen e BE ndaj kërkesës së Ukrainës për një anëtarësim më të shpejtë në familjen europiane. Ky është një zhvillim tepër pozitiv. Qëndroj e bindur se zgjerimi i Bashkimit Europian, i cili ka hasur vështirësi vitet e fundit, është garanci për forcimin e demokracisë dhe ruajtjen e paqes për vendet aspirante por edhe gjithë familjen europiane”, shkruan Kryemadhi.
Ajo shton se kjo luftë që ka përfshirë popullin e pafajshëm të Ukrainës, përbën rrezik real për Shqipërinë, rajonin tonë e gjithë botën mbarë.
Sipas saj, në vitet që jetojmë, lufta kurrë nuk mund të jetë rruga e zgjidhjes së mosmarrëveshjeve dhe askush nuk mund të cenojë të drejtën e popujve për të jetuar të lirë brenda kufijve të shtetit të tyre dhe se demokracia duhet të triumfojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
