Kreu i LIBRA-s Ben Blushi e gjykon tërheqjen e Ramës nga zgjedhjet në Kavajë të motivuar nga frika.
Blushi shkruan në rrjetin e tij social se tërheqja e kandidatit të PS-së i hap rrugë mundësisë për të shtyrë zgjedhjet parlamentare të 18 qershorit.
Sipas Blushit nuk ka asnjë ndryshim mes të dyjave, duke shtuar se tërheqja e Ramës erdhi nga frika dhe jo nga detyrimi për të bërë një marrëveshje për të sjellë PD-në në zgjedhje.
EDI RAMA U TËRHOQ NGA FRIKA
Edi Rama u tërhoq nga zgjedhjet në Kavajë.Pse mos tërhiqet edhe nga 18 qershori? Nuk ka asnjë ndryshim. Pyetja është kush ka të drejtë ta qeverisë Kavajën pa zgjedhje?Dhe kush ka të drejtë ta qeverisë Shqipërinë pa zgjedhje?Kjo ishte një tërhiqje nga frika dhe jo nga detyrimi për marrëveshje.Pas Kavajës cdo mundësi për ta shtyrë 18 qershorin është e hapur dhe cdo mundësi për zgjedhje normale është mbyllur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
