Partia Demokratike ka paraqitur në Komisionin e Ankimeve dhe Sanksioneve kërkesën ankimore për fletën e votimit të miratuar ditën e djeshme nga KQZ.
Ndonëse fleta e votimit në përmbajtje është sipas kërkesave të demokratëve, pra me emra, PD tashmë kërkon që ajo të mos jetë në formatin horizontal, por vertikal.
Relator për shqyrtimin e kësaj kërkese me anë të shortit të hedhur mesditën e sotme është caktuar Ledio Braho.
Mbrëmjen e djeshme edhe socialistët ankimuan fletën e votimit, duke kërkuar që kandidatët të identifikohen me numra. Në lidhje me këtë kërkesë, relatori u përzgjodh sot Koli Bele.
Në vijim pritet që KAS të japë një vendim nëse do të rrëzojë ose jo ankesën e PS dhe PD për këtë fletë votimi.
Në fletën e miratuar janë të shënuar emrat e kandidatëve për deputetë dhe jo me numra.
Fleta do të jetë në përmasat. 29.7. X 60, do të jetë me emra dhe do të jetë fletë votimi horizontale.
Madhësia e fletës do të jetë e njëjtë për çdo qark, si në Tiranë që ka numrin më të madh të kandidatëve, ashtu edhe në Kukës, apo qarqet e tjera më të vogla.
Ajo që ndryshon është madhësia e shkrimit. Pra, emrat në kryeqytet janë me germa më të vogla për shkak se janë 36 kandidatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
