Përplasjet në PD, Boçi: Përgjegjës për humbjen të gjithë, jo vetëm Basha

 I ftuar në Ora News, Boçi thekson se përgjegjësia për rezultatin e zgjedhjeve të 25 qershorit nuk mund të jetë vetëm e Luzlim Bashës por e çdo deputeti dhe demokrati.

Përplasjet në Partinë Demokratike pas hapjes së garës për kryetarin e Ri, deputeti Luçiano Boci i cilëson si zhurmë që nuk i shërben askujt.

Boçi shprehet se zgjedhjet në Partinë Demokratike do të zhvilloheshin edhe nëse kjo forcë politike do t`i kishte fituar zgjedhjet.

Boçi:Ka më shumë zhurmë sesa diçka që e meriton të ketë zhurmën nga pas. Është një proces i paralajmëruar. Këto gjëra të mos i shohim sikur po ndodh diçka e tmerrshme, një hata e madhe. Është një proces që kërkon diversitet mendimesh dhe qëndrimesh, që duhen respektuar.

Në lidhje me rezultatin e zgjedhjeve, Boçi theksoi se të gjithë kanë përgjegjësi, madje duke mos përjashtuar as veten.

Boçi: Po të flasim për ato faktorë që çuan në humbje apo ata persona që shtynë në humbje, nuk mund të vëmë gishtin tek një individ, qoftë ai edhe drejtuesi i partisë. Përgjegjësia është e të gjithëve. Duhet të ketë garë sepse një garë e rigjallëron dhe e riforcon një forcë politike.

Kundërshtitë brenda partisë nuk shërbejnë përfundoi Boçi, duke theksuar se ringritja e PD mund të vijë përmes bashkimit dhe ndarjes së përgjegjësive.